Espainiako Eskultismo Federazioak bakearen alde lan egiteko materialak jarri ditu eskuragarri, gero eta handiagoa den Europako gatazkaren aurrean
Errusiak Ukraina inbaditu duelako, indarkeria olde batek Europa astintzen ari da. Horregatik, Espainiako Eskultismo Federaziotik (FEE) eta Mugimendu Scout Katolikotik (MSC) webgune bat sortu dute gai honen inguruan egiten ari diren ekintzen berri emateko.
Horrekin, gatazkaren konponbidean indarkeria erabiltzearen inguruko kezka-mezua nabarmendu eta kontzientziatu nahi da. Euskalerriko Eskautak elkartetik bat egiten dugu mezu horrekin eta elkartasuna adierazten diegu ukrainar herriari eta egoera honek eragiten dien minari.
Erakundeek elkarrizketaren kultura dute funtsezko zutabe, eta, horregatik, web-orriaren barruan bakearen alde lan egiteko materialak daude. Beste erakunde eskaut batzuk garatzen ari diren ekintzen mapa interaktibo bat eta bost erakunderi dohaintzak egiteko gomendioa daude, besteak beste.
Federazioak, halaber, une honetan delikatuak diren #EskautakBakearenAlde, #UkraniaBabestuz, #UkraniarekinBat eta #UkraniaLagundu izeneko traolen bidez babesa erakusteko eskatzen du, Ukrainako eskauten sarea aipatuz.
